சென்ற வாரம் - டைரி குறிப்புகள்

சென்ற வாரம் என்ற தலைப்பில் போன மாதம் வாராவாரம் எழுதலாம் என்று ஆரம்பித்தேன். வீடு மாற்றிய காரணத்தால் கொஞ்ச நாள் சரியான 'நெட்' வசதியில்லை. ஆபீஸில் Alt+Tab உதவிஉடன் கஷ்டப்பட்டு ஒரு பதிவை ஒரு வாரம் எழுதினாலும், அதை போஸ்ட் செய்ய முடியவில்லை. மற்ற பதிவுகளைப் படிக்க முடியும்; ஆனால் பின்னூட்டமிடமுடியாது. எனது பதிவுகளையே 'டிராப்ட்' செய்து பின் நண்பர்கள் வீட்டிற்குப் போகும் போதோ, அக்கா வீட்டிற்கு போகும்போதோ போஸ்ட் செய்துகொண்டிருந்தேன். அதனால்தான் யார் பதிவிற்கும் நான் பின்னூட்டமிடுவதில்லை. இப்போது பிரச்சனை இல்லை. AIRTEL BROADBAND வந்துவிட்டது. இனி வாரம் இரண்டு சினிமா பதிவுகள், ஒரு 'சென்ற வாரம்', அவ்வபோது ஒரு புத்தக அறிமுகம், ஒரு சிறுகதை, ஒரு தொடர்கதை என்று எழுதாலாமென்று இருக்கிறேன்.

"தொடர்ந்து சினிமா சம்பந்தமான பதிவாகவே எழுதாதே, மற்ற இடங்களையும் கொஞ்சம் கவனி" என்று நண்பர்கள் தொடர்ந்து கூறிவருகின்றனர். ஆனால் நான் என்ன செய்ய முடியும். கதை, கவிதை, கட்டுரை, புத்தகம், டெக்னாலஜி, அரசியல், சமூகம் என்று வேறு எந்த சைடிலும் எனக்கு அனுபவமோ, மிகுந்த விருப்பமோ கிடையாது. நான் நிறைய சினிமா பார்ப்பேன், சினிமா பற்றி நிறைய பேசுவேன், இப்போது சினிமா பற்றி கொஞ்சம் எழுதுகிறேன். அவ்வளவுதான். நமக்கு எது வருகிறதோ அதை மட்டும் சரியாகச் செய்தால் போதும் என்பது என் பாலிசி. கதை, கவிதை, கட்டுரை என்று நானும் முயற்சி செய்து பல்ப் வாங்கியதுதான் மிச்சம். இதுவரை சும்மர் 7,8 சிறுகதைகள் எழுதியிருக்கிறேன். அதை ஒரு 20 பேர் இதுவரை படித்திருந்தால் அது பெரிய விஷயம். இன்னும் நிறைய சிறுகதைகள் இருக்கிறது, நேயர் விருப்பம் அறிந்து தொடரலாமா, வேண்டாமா என்பதை முடிவு செய்ய வேண்டும். கவிதை பற்றி எனது கருத்து எப்போதும் "இருக்கிற கவிஞர்கள் இம்சை போதும் என்னையும் கவிஞன் ஆக்காதே" தான். புத்தகங்கள் பற்றி இனி கொஞ்சம் எழுதலாமென்று இருக்கிறேன். நான் எழுதிய முதல் புத்தக விமர்சனம் "சிலுக்கு ஒரு பெண்ணின் கதை". அதற்கு நல்ல வரவேற்பு இருந்தது. மற்றபடி வழக்கம் போல முழுக்க முழுக்க சினிமா தான். எல்லா சினிமா பதிவர்களும் சொல்வது போலத் தான் நானும் சொல்கிறேன் - "முடிந்த வரை இதுவரை யாரும் எழுதாத படங்களை அறிமுகம் செய்ய முயற்சி செய்கிறேன்.

சரி சென்ற வார விஷயங்களுக்கு வருவோம். வழக்கம் போல படங்களிலிருந்தே ஆரம்பிப்போம்

சென்ற வாரம் நான் பார்த்த படங்கள் மொத்தம் 6

1) கோவா

2) நாணயம்

3) குட்டி

4) Up in the Air

5) அசல்

இதில் 'கோவா' திங்கட்கிழமை ஆபீஸிலிருந்து பொய் சொல்லி சீக்கிரமே வந்து நேரம் சரியாகத் தெரியாமல் (பெங்களூர் - மஹேஸ்வரி தியேட்டர்) ஒரு மணி நேரம் முன்னமே தியேட்டருக்குப் போய் கூட்டமே இல்லாததால் முதல் ஆளாக டிக்கெட் வாங்கிப் பார்த்தோம், நானும் நண்பன் சுரேந்தரும். பிரேம்ஜி வரும் இடங்கள் மட்டும் கொஞ்சம் கடுப்படிக்கிறது. கண்கள் இரண்டால் பாடலை இன்னும் எத்தனை இடங்களில் எத்தனைப் படங்களில் பயன்படுத்தப் போகிறார்களோ தெரியவில்லை. படம் பார்த்த வேரொறு நண்பன் கோவா American Pie போலிருக்கிறது என்றான். சரிதான், ஜாலியாக ரஜினி மகள் காசில் கோவா டூர் போய்விட்டு எஞ்சாய் பண்ணியதை படமாக வெளியிட்டு இருக்கிறார்கள். வெங்கட் பிரபு... இனி கஷ்டம் என்று நினைகிறேன். படம் பார்துவிட்டு விமர்சனம் எழுதத் தோன்றவேயில்லை. காரணம், வர வர பதிவுலகில் விமர்சன வேகம் படு ஸ்பீடாகிக்கொண்டே போகிறது. படம் வெளியான முதல் வாரத்திற்குள் குறைந்தது 100 பேராவது விமர்சனம் எழுதிவிடுகிறார்கள். முதல் ஆளாக படம் பார்த்து விமர்சனம் எழுதினால் என்ன கிடைக்கப்போகிறதோ தெரியவில்லை. ஜாஸ்தி ஹிட்ஸ் கிடைக்கும் போல... அந்த வியாபார உக்தி சைடு நான் இன்னும் போகவில்லை.

'நாணயம்' தியேட்டரில் பார்க்க வேண்டுமென்று ஆசைப்பட்டு முடியவில்லை. ஒரு வாரத்திலேயே தூக்கிவிட்டார்கள். இங்கு தமிழ் படங்கள் இப்போதெல்லாம் தியேட்டரில் இரண்டு வாரம் ஓடினாலே பெரிய விஷயமாயிருக்கிறது. படம் ரிலீஸான அடுத்த நாளே டிவிடி கிடைக்கிறது. அதிலும் மற்ற மொழிப் படங்களைக் விட தமிழ் பட திருட்டு டிவிடிகள் அதிக அளவில் விற்கப்படுகிறது. படம் பாராட்டவேண்டிய ஒரு நல்ல முயற்சி. கிளைமாக்ஸில் மட்டும் The Bank Job சாயல் தெரிந்தாலும், படம் நன்றாகவே இருக்கிறது. டுவிஸ்ட்டு மேல் டுவிஸ்ட்டு வைத்து அருமையான ஒளிப்பதிவுடன் நிறைவாக இருக்கிறது.

குட்டி படம் பெரிதாக இம்ப்ரஸ் செய்யவில்லை. தனுஷ், அல்லு அர்ஜுன் அளவிற்கு வரவில்லை. "I am Soooo Expressive" டயலாக் தனுஷைவிட அல்லுவிற்கு பக்காவாக பொருந்தியது. 'Jab We Met' பார்க்காதவர்களுக்கு 'கண்டேன் காதலை' பிடிப்பது போல, தெலுங்கு 'ஆர்யா' பார்க்காதவர்களுக்கு குட்டி கண்டிப்பாக பிடிக்கும். தனுஷின் அடுத்தடுத்த படங்களில் ரீமேக்குகள் அதிகமிருக்கிறது. தலைவரின் 'மாப்பிள்ளை' ரீமேக், கன்னட படமொன்றின் ரீமேக் என்று போய்க்கொண்டிறுக்கிறார் தனுஷ்... தமிழ் நாட்டில் கதைப்பஞ்சம் தலைவிரித்து ஆடுகிறது போல.

Up in the Air படத்தைப் பற்றி ஹாலிவுட் தல பாலா எழுதியிறுக்கிறார். அருமையான படம். ஜார்ஜ் க்ளூனி படம் முழுவதும் ஆண்டிருக்கிறார். கண்டிப்பாக பார்க்க வேண்டிய படம்.

அசல் - 05 ஆம் தேதி ரிலீஸ். 06 தேதி நான் படம் பார்க்க கிளம்பும் போதே என் வீட்டிற்கு அருகில் உள்ள டிவிடி ரோட்டுக்கடையில் அசல் இருந்தது. ஆனால் 04 ஆம் தேதி மதியமே விமர்சனங்கள் வந்துவிட்டது. யப்பா...சாமீ ஏன் இந்த கொலவெறி... படம் நல்லா இல்ல போகாதீங்கன்னு மக்களை காப்பாற்றும் பொறுப்பை கொஞ்சம் ஹெவியா ஃபீல் பண்ணிடீங்க... ஏறக்குறைய 500 திரையரங்குகளில் ரிலீஸாகிறது அசல். பில்லாவை விட அதிகம். விட்ருங்க..அவிங்க பாவம்... ரிலீஸ் முதல் நாளே விமர்சனம், அதுவும் நெகடிவ் சமாச்சாரங்களைப் பற்றி மட்டுமே விமர்சனமெல்லாம் கொஞ்சம் ஓவர்... பழைய கதையாக இருந்தாலும் படம் பரவாயில்லாமல் தான் இருக்கு. தல செம மேன்லி, ஸ்டைலிஷ்... நாங்கெல்லம் வேட்டைக்காரனுக்கே அசராதவனுக... எங்கள ஒன்னும் பண்ண முடியாது.

சினிமா சேதிகள்

இந்த மாதம் 5 ஆம் தேதி அசல் ரிலீஸாகிவிட்டது. அதைத் தவிர 12 ஆம் தேதி தீராத விளையாட்டுப் பிள்ளை,

19 ஆம் தேதி விண்ணைத்தாண்டி வருவாயா, பையா,26 ஆம் தேதி கச்சேரி ஆரம்பம் ரிலீசாகிறது.

தமிழ் சினிமா உலகம் முதல்வருக்கு பாராட்டு விழா நடத்துகிறது. கூட சீக்கிரம் கலைஞர் டீவியில் வரும்...

சிம்பு - கே.வி ஆனந்தின் 'கோ' படத்திலிருந்து விலகிவிட்டதாகவும், பூபதி பாண்டியன் படத்தில் நடிக்கவிருந்தவர், இப்போது லிங்குசாமியுடன் சேர்கிறாராம். ஒரு பக்கம் கௌதம் மேனன் வேறு புகழ்ந்து தள்ளுகிறார். வாலிபன் போஸ்டர் வேறு வந்துவிட்டது. அதை விட அதி முக்கிய செய்தி, மணிரத்னதின் அடுத்த படத்தில் நடிக்கிறாரம் சிம்பு! என்ன சிம்பு இது நாமெல்லாம் யாரு...என்ன இப்புடி நல்ல பையன்னு கெட்ட பெயர் எடுக்குறீங்க?

சுறா படத்தில் விஜய் சுனாமிக்கு நடுவே படகோட்டி வருவது போல் இன்ட்ரோ வைத்திருக்கிறார்களாம் (அட நெசமாத்தாங்க)

கமல் அடுத்து நடிக்கும் படம் 'யாவரும் கேளிர்', கே.எஸ். ரவிக்குமார் இயக்கம், த்ரிஷா ஜோடி, இசையமைப்பாளரை அறிவித்துவிட்டார்கள் - நம்ம 'குண்டு பாய்ஸ்' தமன்!

அடுத்தது புத்தகம்:

சமீபத்தில் நடந்த சென்னை புத்தகக் கண்காட்சிக்கு என்னால் போகமுடியவில்லயென்றாலும், சென்னை நண்பன் முத்துராஜ் உதவியுடன் சில புத்தகங்கள் வாங்க முடிந்தது. வாங்கிய பத்து புத்தகங்களில் முதலில் படித்தது, எஸ்,ராவின் 'அயல் சினிமா'. இன்றைய காலக்கட்டத்திலுள்ள பிரபல இயக்குனர்களைப் பற்றியும் அவர்களது ஸ்டைல், இயக்கிய படங்களைப் பற்றிய ஒரு நல்ல தொகுப்பு. Quentin Tarantino, Wong Kar-Wai, Walter Salles, Zhang Yimou, Giuseppe Tornatore, Pedro Almodovar, Alexander Sokurov, Jane Campion, Jean-Pierre Jeunet, Kim Ki-Duk என்று பத்து முக்கிய இயக்குனர்களைப் பற்றிக் கூறுகிறது இந்தப் புத்தகம். நல்ல படைப்பு. என்ன விலை தான் கொஞ்சம் அதிகமாயிருக்கிறது. 75 ரூ... பரவயில்லை.

மீண்டும் அடுத்த வாரம் கண்டிப்பாக 'சென்ற வாரம்' உண்டு

THREE COLORS TRILOGY - BLUE | 1993 | FRANCE

இந்தப் படம் பல நாட்களாக நான் எழுத வேண்டுமென்று ஆரம்பித்து பாதியிலேயே டிராப்டில் தூங்கிக்கொண்டிருந்தது. நல்ல வேளை ஒரு வழியாக இன்று போஸ்ட் செய்துவிட்டேன்.

இயக்குனர் Krzysztof Kieślowski, பிரான்ஸ் நாட்டு தேசியக்கொடியிலிருக்கும் மூவர்ணங்களின் பெயரிலேயே வெளியிட்ட Three Color Trilogy யின் முதல் படம் தான் Blue. படத்தின் தீம் Liberty - விடுதலை. அடிமைத்தனத்திலிருந்து விடுதலை, தீய சக்திகளிடமிருந்து விடுதலை போன்ற நாம் கேளிவிப்பட்ட விடுதலை சமாச்சாரங்கள் சம்பந்தப்பட்டதல்ல இந்தப் படம். படத்தின் நாயகி ஜூலீ மூலம் இயக்குனர் நமக்கு சொல்ல நினைக்கும் விடுதலை முற்றிலும் வித்யாசமானது. கணவன், குழந்தை இருவரையும் இழந்து தன்னந்தனியாக நிற்கும் ஜூலீக்கு தேவைப்படுவது - உறவுகளிருந்து விடுதலை, உணர்வுகளிலிருந்து விடுதலை, நினைவுகளிலிருந்து விடுதலை. சுற்றி வளைக்காமல் நேரடியாக கதைக்குச் செல்வோம்.

முதல் ஸீனிலேயே ப்ளு பேக்டிராப்பில், பனிப்புகை மூடிய ஒரு நீண்ட சாலையில் கார் ஒன்று சென்றுகொண்டிருக்கிறது. காரை ஓடிச் செல்வது பிரபல இசையமைப்பாளர் Patrice de Courcy. அவரது மனைவி ஜூலீயும் மகளும் உடனிருகின்றனர். கொஞ்ச தூரம் போனதும் கார் ஒரு மரத்தில் மோதி விபத்துக்குள்ளாகிறது. மருத்துவமனையில் கண் விழிக்கும் ஜூலீயிடம் விபத்தில் அவளது கணவன், குழந்தை இருவரும் இறந்துவிட்டதாகக் கூறப்படுகிறது. படுத்த படுக்கையாக இருக்கும் ஜூலீக்கு கணவனின் இறுதிச் சடங்குகள் கையடக்க வீடியோ டிஸ்ப்ளேயில் காட்டப்படுகிறது. விரக்தியில் வாழப் பிடிக்காமல் அன்று இரவு தற்கொலைக்கு முயற்சி செய்யகிறாள். அது தோல்வியில் முடிகிறது.

மருத்துவமனையிலிருந்து வெளியே வரும் ஜூலீ, தன் கணவன், குழந்தை சம்பந்தமான எல்லாவற்றையும் அப்புறப்படுத்துகிறாள். அவர்களை நினைவு படுத்தும் அனைத்தையும் தூக்கி எறிகிறாள். தன் கணவன் கடைசியாக Council of Europe ற்காக இசையமைத்த The unity of Europe என்னும் இசைத்தொகுப்பையும் அழித்துவிடுகிறாள். கணவனின் நினைப்பிலிருந்து மீளமுடியாமல், தன்னைக் காதலிக்கும் தனது கணவரின் உதவியாளன் ஆலிவருடன் உறவுகொள்கிறாள். என்ன செய்தும் பழைய நினைவிகளிருந்து மீள முடியாததால், வீட்டை பூட்டிவிட்டு யாரிடமும் சொல்லாமல் பாரீஸில் குடியேறுகிறாள்.

பாரீஸிலும் யாருடனும் பேசாமல் தனிமையிலேயே பொழுதைக் கழிக்கிறாள். யாருக்கும் தன்னைத் தெரிந்துவிடக் கூடாது என்பதில் உறுதியாக இருக்கிறாள். அந்தச் சமயத்தில் ஆலிவர் ஒரு தொலைக்காட்சி நேரலையில், ஜூலீயின் கணவன் மிச்சம் வைத்துவிட்டுப் போன The unity of Europe இசைத்தொகுப்பை தான் முடிக்கப்போவதாகக் பேட்டியளிக்கிறான். உண்மையில் அந்தத் தொகுப்பிற்கு இசையமைத்ததே ஜூலீ தான். மேலும் தன் கணவனைப் பற்றிய ஒரு மிகப்பெரிய உண்மை ஜூலீக்குத் தெரியவருகிறது. நினைவுகள், உறவுகள், உணர்வுகள் என்று ஜூலீ விடுபட நினைக்கும் எதுவும் அவளை விடத் தயாராகயில்லை.

அடுத்தடுத்த சம்பவங்களால் ஏதோ ஒரு வகையில் அவளது பழைய வாழ்க்கை திரும்பிக்கொண்டேயிருக்கிறது. ஜூலீ என்ன செய்தாள், அவளுக்கு விடுதலை கிடைத்ததா என்று மனதை உருக்கும் The unity of Europe இசையுடன் படத்தின் கிளைமாக்ஸ் அமைக்கப்பட்டிருக்கிறது.

படம் முழுக்க சீன் பை சீன் ஜூலீயாக நடித்திருக்கும் Juliette Binoche மட்டும்தான். அசத்தியிறுக்கிறார். விரக்தியான அந்தச் சிரிப்பை மறக்கவே முடியாது. தன்னால் பழைய நினைவுகள் இல்லாமல் வாழ முடியும் என்று கராராகக் கிளம்பி, பின் தோற்கும் ஒவ்வொரு இடத்திலும் அழுகையை மறைக்க நீச்சல் குளத்தில் குளிப்பதும், வீட்டிலிருக்கும் எலிக்குஞ்சுகள் தன் மகளை நினைவுபடுத்த, பக்கத்து வீட்டுக்காரன் பூனையை வாங்கி வீட்டிற்குள் விட்டுவிட்டுப் பின் குமுறுவதும், ஆலிவருடன் உறவுவைத்துக்கொண்டு தான் செய்தது தவறு என்று தனக்குத் தானே தண்டனை கொடுத்துக்கொள்வதும்... படம் முழுவதும் ஜூலீ தான்.

படத்தின் மிகப்பெரிய பலம் ஒளிப்பதிவு. படம் நெடுக ப்ளு டோன் நிறைந்திருக்கிறது. கேமரா கோணங்களும் அற்புதம். இசை. ஒரு காட்சியில், தன் கணவன் இசைக் குறிப்பை ஜூலீ பார்த்துக்கொண்டிருப்பாள். ஜூலீ தன் கைவிரலை அந்தக் குறிப்பின் மீது வைத்தவுடன் ஆரம்பிக்கும் அந்த அதியற்புத இசை அவள் விரல் வழியே அப்படியே தொடர்வது... யப்பா... அன்று தான் என் 1300 ரூ சோனி இயர்போன்ஸ் தன் மதிப்பைச் சரியாகக் காட்டியது. கண்ணைமூடி மெய்மறக்க வைத்த இசை அது.

Three Color Trilogy யின் அடுத்தடுத்த படங்களும் உறவுகள் ஊடே பின்னப்பட்டவையே. முன்பு கேபிள் சங்கரது பதிவில் Three Color Trilogy யின் இரண்டாவது படமான White பற்றிப் படித்ததாக ஞாபகம். தனித்தனியே பல விருதுகளை குவித்திருக்கும் இந்தப்படங்கள் இன்று வரை ப்ரான்ஸ் நாட்டின் முக்கியமான படைப்புகளாகப் போற்றப்படுகிறது.

படத்தின் லிங்க் இதோ

http://rapidshare.com/files/75808096/Trois_Couleurs_Bleu__1993__Upload_by_Lost.part1.rar
http://rapidshare.com/files/75819105/Trois_Couleurs_Bleu__1993__Upload_by_Lost.part2.rar
http://rapidshare.com/files/75986977/Trois_Couleurs_Bleu__1993__Upload_by_Lost.part3.rar
http://rapidshare.com/files/75994275/Trois_Couleurs_Bleu__1993__Upload_by_Lost.part4.rar
http://rapidshare.com/files/76001484/Trois_Couleurs_Bleu__1993__Upload_by_Lost.part5.rar
http://rapidshare.com/files/76009329/Trois_Couleurs_Bleu__1993__Upload_by_Lost.part6.rar
http://rapidshare.com/files/76017609/Trois_Couleurs_Bleu__1993__Upload_by_Lost.part7.றார்

http://rapidshare.com/files/77281170/_38732_Trois_couleurs_Bleu_23.976fps_1CD_English_SubRip_DiVXPlanet.rar

PASS: imajteam

11.14 | 2004 | US/Canada

Vantage Point படத்தின் கதை பல பேருக்குத் தெரிந்திருக்கும். அமெரிக்க ஜனாதிபதி ஒரு மேடயில் பேசிக் கொண்டிருக்கும் போது சரியாக 12 மணிக்கு சுட்டுக் கொல்லப்படுவார். அவர் பேசிக்கொண்டிருந்த மேடையிலும் குண்டு வெடிக்கும். அந்த சம்பவத்தில் சம்பந்தப்பட்ட ஒரு போலீஸ் அதிகாரி, கொலைகாரன், ஒரு பார்வையாளன், ஜனாதிபதி, வில்லன் என்று பலர் பார்வையில் படம் நகரும். ஒரே சம்பவம் பலர் பார்வையில் 12 மணிக்கு முன் - 12 மணிக்குப் பின் என்று ஃப்ளாஷ்பேக்/ க்ரொனொலாஜிக்கல் டைப்பில் காட்டப்படும். 11.14 படமும் சரியாக இரவு 11 மணி 14 நிமிடத்தில் நடக்கும் ஒரு சம்பவம், அதில் சம்பந்தப்பட்டவர்களைப் பற்றியதே. 11:14 முன், 11:14 பின் என்றே நகரும். ஆனால் Vantage Point படத்திற்கும் இதற்கும் ஒரு பெரிய வித்யாசம் உண்டு. இந்தப் படத்தில் இடம்பெரும் சம்பவத்திற்கும், அதில் சம்பந்தப்பட்டவர்களுக்கும் ஒருவருக்கொருவர் சம்பந்தமே இருக்காது. ச்சே... ஏகப்பட்ட சம்பவம்/சம்பந்தம் என்று குழப்பிவிட்டேன். நேரடியாக விஷயத்திற்கு வந்து விடுகிறேன்.

11.14 படத்தின் கதை என்று எதுவும் இருப்பதாய்த் தெரியவில்லை. சீரீஸ் அஃப் இன்சிடெண்ட்ஸ் மட்டுமே. அதை வரிசையாகச் சொல்ல ஆரம்பித்தால் முழுப்படத்தையும் சொல்ல வேண்டியிருக்கும். அதனால் அறிமுகம் மாதிரி கொடுத்துவிடலாமென்று நினைக்கிறேன்.

சம்பவம் 1

படத்தின் முதல் காட்சி. வேகமாக ஒரு கார் வருகிறது. அதில் கொஞ்சம் குடித்து விட்டு, செல் போனில் பேசியபடியே கார் ஓட்டிக்கொண்டு வருகிறான் ‘ஜாக்’. காரின் டாஷ்போர்ட் கடிகாரம் 11:14 என்று காட்டுகிறது. திடீரென்று அவன் கார் முன்பாகம் மேல் வந்து ஏதோ டம்மென்று விழ, காரை நிருத்திவிட்டுப் பயத்தோடு போய் பார்க்கிறான். விழுந்தது, முகம் சிதைந்த நிலையில் ஒரு பிணம்! மிரண்டு போய் திரும்ப பின்னால் ஒரு கார் வருவது போல் தெரியவும், பாடியை என்ன செய்வதென்று தெரியாமல், கார் டிக்கிகுள் மறைக்கிறான். பின்னால் வந்த காரில் வருபவள் ‘நார்மா’. நடுரோட்டில் காரை நிப்பாட்டி வைத்திருக்கும் ஜாக்கிடம், “ஐய்யையோ, மானை இடித்துவிட்டாயா? உதவி வேண்டுமா” என்று கேட்கிறாள். அவன் வேண்டாம்மென்று சொல்லியும் கேளாமல், போலீஸ் சீப் என் ஃப்ரெண்ட் தான் என்று கூறி போலீஸிற்கு போன் செய்து விட்டுப் போய்விடுகிறாள். டிக்கியில் பிணத்துடன் ஜாக் என்ன செய்வதென்று தெரியாமல், எஸ் ஆவதற்குள் போலீஸ் வண்டி வந்து விடுகிறது. வண்டியினுள்ளே ஏற்கனவே கைதிகள் ‘டஃப்பி’, ‘பஸ்ஸி’ இருவர் இருக்க, ஆபீஸர் ‘ஹன்னாகன்’ இறங்குகிறார்…

சம்பவம் 2

நண்பர்கள் ‘டிம்’, ‘மார்க்’, ‘எடீ’ மூவரும் முழுமுட்டக் குடுத்து விட்டு தங்கள் காரிலிருந்தபடியே போற வர வண்டிகள் மீதெல்லாம் எதையாவது தூக்கி எறிந்து அட்டகாசம் செய்துகொண்டே போகிறார்கள். அதிலும் மார்க் எடீ கண்ணாடி வழியாக உச்சா போக, வண்டி ஓட்டிக்கொண்டிருக்கும் மார்க் பின்னால் திரும்பி கத்த, ரோட் க்ராஸ் பண்ணிக்கொண்டிருக்கும் ‘செர்ரீ’ மீது கார் மோதிவிடுகிறது. செர்ரீ 7/G சோனியா மாதிரி பறப்பதை பார்க்கும் ‘டஃப்பி’ துப்பாகியுடன் ஓடிவருகிறான்...

சம்பவம் 3:

தன்னிடம் கார் வாங்கிக்கொண்டு போன மகள் 'செர்ரீ', இரவு வெகுநேரமாகியும் வீடு வராத தால் அவளைத் தேடிப் போகும் ஃப்ராங்க் அவள் கார் சாவியை ஒரு கல்லறையில், தலை சிதைந்த நிலையிலிருக்கும் ஒரு பிணத்தின் அருகில் கண்டெடுக்கிறார். இறந்து கிடப்பது 'ஆரோன்'. பிணத்தை மறைக்க நினைக்கும் ஃப்ராங்க், ஆரோன் காரிலேயே உடலை தூக்கிப் போட்டுக்கொண்டு ஒரு பாலத்திலிருந்து கீழே போடுகிறார். பிணம் டம்மென்று எதன் மீதோ விழும் சத்தம் கேட்கிறது. சிறிது நேரத்தில் கீழே ரோட்டைலிருந்து பாலம் ஏறி அந்த வழியே வரும் ஃப்ராங்கின் மனைவி 'நார்மா' பாலத்தின் கீழே யாரோ ஒருவன்(ஜாக்) ஒரு மானை காரில் இடித்துவிட்டதாகவும், போய் பார்க்கும்படியும் சொல்கிறாள்...

சம்பவம் 4:

'பஸ்ஸி' தான் வேலை செய்யும் சூப்பர் மாக்கெட்டில் தனியாக இருக்கிறாள். அப்போது கூட வேலை செய்யும் 'டஃப்பி' வந்து, தன் காதலி ஜெர்ரீ கர்பமாகிவிட்டதாகவும், களைக்க பணம் வேண்டும் என்றும் அதனால் 500$ திருடப்போவதாகவும் சொல்கிறான். அதற்குள் அங்கு 'ஜெர்ரீ' வந்து விட, டஃப்பி, அவளுடன் பண ஏற்பாட்டைப் பற்றிப் பேசுகிறான். டஃப்பியின் துப்பாக்கியை பஸ்ஸி அழுத்த அது கண்ணாடிக்கதவை உடைத்துக்கொண்டு வெடிக்கிறது. சீக்கிரம் பணத்துடன் வா என்று ஜெர்ரீ கிளம்ப, நிஜமான ஒரு திருட்டு போல் இருக்க வேண்டும் என்று பஸ்ஸி கையில் சூட்டு, 9-1-1 க்கு போன் செய்கிறான் டஃப்பி. ஆனால் அவன் எதிர்பார்த்ததற்கு முன்பே போலீஸ் வந்துவிடுகிறது. அடித்துப்பிடித்து ஓடி ரோட்டின் அந்தப்பக்கம் நின்று கொண்டிருக்கும் ஜெர்ரீ யை அழைக்கிறான். ஜெர்ரீயும் ரோட்டைக் க்ராஸ் செய்கிறாள்...

சம்பவம் 5:

இரவு வீட்டை விட்டு வரும் ஜெர்ரீ, தன் காதலன் ஆரோனுடன் ஒரு கல்லறைக்கு அருகே உல்லாசமாய் இருக்கிறாள். அப்போது அந்த கல்லறையில் பதிக்கப்பட்டிருக்கும் சிலையின் தலை வாகாக படுத்துக் கொண்டிருக்கும் ஆரோன் தலையில் விழுந்து அவன் அந்த இடத்திலேயே முகம் சிதைந்து இறக்கிறான். பயத்தில் அலறியடித்து அந்த இடத்தை விட்டு ஓடும் ஜெர்ரீ தன் கார் சாவியை அந்த இடத்திலேயே விட்டு விட்டு ஓடிவிடுகிறாள். தன் தந்தையிடம் கார் வாங்கிக்கொண்டு டஃப்பியின் கடைக்கு போகிறாள்...

மேற்கூறிய 5 சம்பவங்களையும் சரியாக ஒரு புள்ளியில் இணைத்தால் கதை என்று ஒன்றுமேயிருக்காது. ஒரு ஆக்ஸிடண்ட்; அதற்கு அரை மணி நேரம் முன் நடப்பவை தான் மொத்தப் படமுமே. முழுக்க முழுக்க திரைக்கதை மட்டுமே. அபாரம், அற்புதம், சூப்பர் என்று நான் கொண்டாடும் படங்களில் இந்தப் படமும் உண்டு.

படத்தின் இயக்குனர் Greg Marcks

படத்தின் லிங்க்...

http://rapidshare.com/files/228525100/eleven_fourteen_-_11_14__2003__DVDrip_with_eng_srt_subtitles.part2.rar
http://rapidshare.com/files/228525106/eleven_fourteen_-_11_14__2003__DVDrip_with_eng_srt_subtitles.part6.rar
http://rapidshare.com/files/228525157/eleven_fourteen_-_11_14__2003__DVDrip_with_eng_srt_subtitles.part7.rar
http://rapidshare.com/files/228525187/eleven_fourteen_-_11_14__2003__DVDrip_with_eng_srt_subtitles.part1.rar
http://rapidshare.com/files/228525241/eleven_fourteen_-_11_14__2003__DVDrip_with_eng_srt_subtitles.part4.rar
http://rapidshare.com/files/228525360/eleven_fourteen_-_11_14__2003__DVDrip_with_eng_srt_subtitles.part5.rar
http://rapidshare.com/files/228525407/eleven_fourteen_-_11_14__2003__DVDrip_with_eng_srt_subtitles.part3.rar

பி.கு: இதே கதையை அப்படியே நம் ஊருக்கு ஏற்றார்போல் நான் முன்பு ஒரு சிறுகதை எழுதியிருக்கிறேன். அது இங்கே...

THE SPY NEXT DOOR | U.S | 2010

PVR ல் கிரெடிட் கார்ட் மட்டுமே அக்சப்டட் என்கிற ரூலை மாற்றி டெபிட்/நெட்பேங்கிங் மூலம் டிக்கெட் புக்கிங் பண்ணும் வசதி வந்து விட்டதால் என்னை போல் கிரெடிட் கார்ட் இல்லா புத்திசாலிகளுக்கு ஆன்லைன் புக்கிங் சுளூவாகிவிட்டது. தியேட்டரில் பெரும்பாலானவர்கள் குழந்தைகள். ஸ்கூல் டூர் போல அவர்களை பத்திக்கொண்டு வாத்தியார் பெருமக்கள் அங்குமிங்கும் ஓடிக்கொண்டும், பெப்ஸி டோக்கன் கொடுத்துக்கொண்டுமிருந்தனர். நான் ஸ்கூல் படிக்கும் போது முருகன் தியேட்டருக்கு எங்க காசில் 'காட்ஸில்லா' கூட்டிக்கொண்டு போனதாக ஞாபகம். இந்த ஊர் குழந்தைகளை PVR ருக்கு பெப்சி/பாப்கார்ன் 'காம்போ' கொடுத்து ஃப்ரீயா கூட்டிக்கொண்டு வருவதைப் பார்க்கும் போது...

சரி விஷயத்திற்கு வருவோம். போன வாரம் 'ஆயிரத்தில் ஒருவன்' இரண்டு முறை அடுத்தடுத்துப் பார்த்ததில், Toy Story 1&2 3D ஒன் வீக் லிமிடட் ரிலீசை மிஸ் பண்ணிவிட்டேன். இந்த வாரமும் ஆயிரத்தில் ஒருவனே போகலாம் என்று நண்பர்கள் சொன்னபோது "இல்ல மச்சி, கொஞ்சம் கேப் விடுவோம். ஆ.ஒ பத்திப் பேசிப்பேசித் தொண்ட தண்ணி வத்திப்போச்சு. நல்ல படம் டா போய் பாருங்க. யார் பேச்சையும் கேட்காதீங்கனு ரெக்கமண்ட் பண்ணி பண்ணி வாயே சுளுக்கிருச்சு. அடுத்த வாரம் போவோம்" என்று அவர்களை 'ஆப்' செய்துவிட்டு நான் மட்டும் போய் பார்த்த படம் The SPY Next Door.1999 ஆம் ஆண்டு அர்னால்ட், 2005 ஆம் ஆண்டு வின் டீசல், இப்போது 2010 ல் நம்ம ஜாக்கி. படுபயங்கர கில்லாடி போலீஸ்/ஸ்பய்/சீக்ரட் ஏஜெண்ட் ஏதாவது ஒரு சமயத்தில் மூன்று நான்கு குழந்தைகளை கவனித்துக்கொள்ளும் 'பேபி ஸிட்டர்' களாவார்கள். குழந்தைகளுக்கு நம் ஹீரோவை பிடிக்கவே பிடிக்காது. அப்போது வில்லன் குரூப் திடீரென்று அட்டாக் பண்ணும். அதற்குள் ஹீரோ குழந்தைகளுடன் ராசியாகி அவர்கள் உதவியுடன் வில்லங்களை ஜெய்ப்பார்.

இந்தப் படத்திலும் அதே கதைதான். ஜாக்கியின் பழைய படங்களான போலீஸ் ஸ்டோரி, டக்சீடோ போன்ற படங்களிலிருந்து சில கிளிப்பிங்களை முதலில் காட்டுகிறார்கள். சீனாவிலிருந்து அமேரிக்காவிற்கு வந்து வேலை செய்யும் சீக்ரெட் ஸ்பய் ஜாக்கி சான். தன் வேலையிலிருந்து ரிடயர்ட் ஆக நினைக்கும் ஜாக்கி, கடைசியாக உலகத்தில் உள்ள ஒட்டு மொத்த எண்ணெய் வளத்தை காலி செய்யும் பயோ பிளானிலிருக்கும் ஒரு ரஷ்ய நாட்டு பயங்கரவாதியை (அமெரிக்கக்கர்களுக்கு பயங்கரவாதிகள் எப்பவுமே ரஷ்யர்களாகத்தன் இருக்கிறார்கள்) பிடித்துக்கொடுத்து தன் வேலைக்கு குட் பை சொல்கிறார்.

ஜாக்கியின் அடுத்த வீட்டில் கணவனைப் பிரிந்து மூன்று குழந்தைகளுடன் வசிப்பவள் கில்லியன். ஜாக்கிக்கும் கில்லியனுக்கும் ரொம்ப நாளாக டிராக் ஒன்று ஓடிக்கொண்டிருக்கிறது. திருமணம் செய்து கொள்ள நினைக்கிறார்கள். ஆனால் அந்தக் குழந்தைகளுக்கு ஜாக்கியை சுத்தமாகப் பிடிக்கவில்லை. கில்லியனின் அப்பாவிற்கு உடம்பு சரியில்லை என்று போன் வருகிறது. "இதுதான் குழந்தைகளுடன் பழக சரியான சந்தர்ப்பம். நானே அவர்களைப் பார்த்துக் கொள்கிறேன்" என்கிறார் ஜாக்கி. என் குழந்தைகளைச் சமாளிப்பத்து நீ நினைப்பது போல் சாதாரண்மானதல்ல, ரொம்ப சிரமம் என்கிறாள் காதலி."ஹும்ம்...நாங்கெல்லாம் யாரு. இதெல்லாம் சப்ப மேட்டரு" என்று ஜாக்கி சொல்ல, "அப்ப ஓகே. நீயே பாத்துக்கோ. இன்னொரு முக்கியமான விஷயம். ஹாலோவீன் வருது. ஷாப்பிங் பண்ணனும்னு சொல்வாங்க. பாத்துக்கோங்க" என்று சொல்லிவிட்டு அவளும் கிளம்பிவிடுகிறாள்.

அதற்குப்பிறகு நடப்பவை எல்லாம் டிப்பிக்கல் ஜாக்கி அதகளங்கள். முதலில் குழந்தைகளை சமாளிக்க முடியாமல் திணருவதும், பின் ஸ்பய் கேட்ஜட்ஸ்களை வரவழைத்து அதன் மூலம் அவர்களை சாமாளிப்பதும் சிரிப்பு வேட்டுகள். கடைசியில் வில்லன் என்ட்ரி, பைட், சுபம்.

"ஹாலோவீன் எனது பேவரிட். அசத்திரலாம்" என்று சொல்லும் ஜாக்கி, அந்தப் பக்கம் போனவுடன், நண்பனுக்கு போன் போட்டு "ஆமா ஹாலோவீனா என்ன?" என்று கேட்பதிலிருந்து ஆரம்பமாகிறது ஜாக்கியின் சேட்டைகள். அந்த 4 வயதுக் குட்டிப் பாப்பா எது செய்தாலும் அழகாக இருக்கிரது. அந்த 8 வயதுப் பையன் பொண்ணுங்களை கவர் பண்ணுவதற்காக படிய தலை வாரி நல்ல பையன் எபெக்ட் கொடுக்க, "கலைந்த தலை, தூக்கிவிட்ட காலர், டக்கின் பண்ணாத சட்டை தான் பொண்ணுங்களுக்குப் பிடிக்கும். அது தான் பேஸன்" என்று சொல்லும் ஜாக்கியிடம், " பேஸன் பத்தி உனக்குத் தெரியுமா? " என்று அவன் கேட்க, "பேஸன் பத்தி தெரியாது ஆனா பொண்ணுங்க பத்தி தெரியும்" என்று சொல்லும் ஜாக்கி, 14 வயசுப் பொண்ணு குட்டைப்பாவாடை, மினி ஸ்கர்ட் சகிதம் அலய விரும்புவது, ரஷ்ய காமெடி வில்லன், பெல்ட் கத்தி கேட்ஜட் என்று படம் செம ஜாலியாகப் போகிறது.

ஆனால் என்னவோ ரொம்ப நாள் முன்னாடியே எடுத்து லேட் ரிலீஸ் செய்வது போல் படம் கொஞ்சம் 'பழசாக' தெரிகிறது. ஜாக்கி சான் இருக்கும் போது படம் எப்படியிருந்தால் என்ன? ஜஸ்ட் கோ அண்ட் எஞ்சாய்ய்ய்ய்...

Butterfly on a Wheel | Canada | 2007

OLD BOY படத்தை பற்றிப் பேசிக்குக்கொண்டிருக்கும் போது, அலுவலக நண்பர்ஒருவர் இந்தப் படத்தைப் பற்றிச் சொன்னார். OLD BOY படத்தின் கதை யார், ஏன், எதற்கு என்று தெரியாமல் அடத்து வைப்பது. BUTTERFLY ON A WHEEL (U.S Title: Shattered) படத்தின் கதை யார், ஏன், எதற்கு என்று தெரியாமல் ஓட விடுவது. இவ்வகை சைக்கலாஜிக்கல் த்ரில்லர்/ லாஸ்ட் மினிட் டுவிஸ்ட் படங்களை நான்மிஸ் செய்வதே இல்லை. முடிவு என்ன என்ன என்கிற பிபி-எகிற் உணர்வு எனக்குமிகவும் பிடிக்கும். தமிழிலில் 'அதே கண்கள்' படம் தொடங்கி இது போன்றபடங்கள் நிறைய வந்திருந்தாலும் சலிப்பு தட்டுவதில்லை.

Mike Barker இயக்கத்தில் வெளிவந்த BUTTERFLY ON A WHEEL படத்தின் கதைஇதுதான்:
Neil Randall (Gerard Butler), தான் வேலை செய்யும் அட்வர்டைஸிங் கம்பனியில்கூடிய விரைவில் ப்ரமோஸன் எதிர்பார்க்கும் ஒரு சக்ஸஸ்ஃபுல் ஆசாமி. அவனது மனைவி Abby Randall (Maria Bello). அருமையான வேலை, செக்ஸியான + அன்பான மனைவி, அழகான குழந்தை என்று ஒரு அக்மார்க் அமெரிக்க கனவுவாழ்க்கையை வாழ்ந்து கொண்டிருப்பவன் நீல். கம்பெனி மேனேஜர் தன்னுடையகாட்டேஜில் ஒரு வாரம் தங்க நீலை அழைக்க, அந்த சமயத்தில் தன் அக்காவைப்பார்த்துவிட்டு வந்துவிடலாம் என்று அபியும் கிளம்ப தனியாக இருக்கும்குழந்தைக்கு ‘பேபி ஸிட்டர்' ஒருத்தியை நியமித்து விட்டு கணவனும்மனைவியும் காரில் கிளம்புகின்றனர்.இங்கிருந்து தான் 'தலைவன்' என்ட்ரியுடன் கதை ஆரம்பமாகிறது. காரில்ஹாயாக' பேசிக்கொண்டே போகும் போது பின்ஸீட்டிலிருந்து தூப்பாக்கியோடுஎழுந்து உட்காருகிறார் நம்ம Pierce Brosnan. பிராஸ்னனை யாரென்றேதெரியவில்லை நீலிற்கு. "உன் குழந்தையைப் பார்த்துக்கொள்ள நீநியமித்திருக்கும் வேலைக்காரி என் ஆள். நான் சொல்வதை நீகேட்கவில்லையென்றால்… ஸிம்பில், குழந்தையைக் கொன்னுடுவேன்" என்றுகூறி நீல் வீட்டிற்குப் போன் போட்டுத் தர, "இது ஒரு கேம் டா செல்லம். பயப்படாத, அந்த ஆன்ட்டி என்ன சொன்னாலும் கேளு" என்று குழந்தையிடம்கூறிவிட்டு கதறி அழுகிறாள் அம்மா அபி. என்ன வேண்டுமென்று நீல் கேட்கபணம்" என்கிறார் பிராஸ்னன். "இப்போ உங்கிட்ட எவ்வளவு பணமிருக்கு?" என்று கேட்க "ஒரு 80$, 90 $ இருக்கும்" என்கிறான் நீல். "இல்ல உங்கிட்ட இப்போ'...$'இருக்கு. சரியா?" என்று பிராஸ்னன் கேட்க முதல் அதிர்ச்சி நீலிற்கு. அந்த'...$' பணம், மிகச்சரியாக அவனது பேங்க் பேலன்ஸ்! இத்தனை வருட சம்பாத்தியம், சேமிப்பு மொத்தத்தையும் பேங்கிலிருந்து ஒரு பெட்டியில் போட்டு, அதைபிராஸ்னனிடன் நீல் கொடுத்தால், அசால்ட்டாக அத்தனை பணத்தையும் (நீல், அபி வாலட்டையும் சேர்த்து) கண்முன்னேயே எரித்து ஒரு பாலத்திலிருந்துதூக்கி எரிந்து விடுகிறார் தலைவர். "ஆஹா...இவன் சைக்கு டா" என்று நீலிற்கும்நமக்கும் பிபி எகிற ஆரம்பிக்கும் இடம் இது. அதற்கடுத்த 24 மணி நேரம், பிராஸ்னனால் நீலிற்கு நடப்பவையெல்லாம் ஒரு சைக்கோபேத்தின் டார்ச்சர்டச்சுகள்.
நீலிற்கு தொழிற்முறையில் பழக்கமான ஒரு மிகப் பெரிய ஸ்டார் ஹோட்டலில்வாயில் வந்த டிஷ்களை எல்லாம் ஆர்டர் செய்யும் பிராஸ்னன், "இன்னும் 15 நிமிடத்தில் 300$ சம்பாதிச்சு வந்து இந்த பில்லப் ‘பே’ பண்ணிரு" என்றுகட்டளையிட, கணவனும் மனைவியும் வெளியே தெரிந்தவர் யாருமே இல்லாதஅந்த இடத்தில் சிலரிடம் பிச்சைக்காரர்களைப் போல் அசிங்கப்பட்டு கடைசியாகசெயின், மோதிரத்தை எல்லாம் அடகு வைத்து 300$ பணம்கொண்டுவருகின்றனர். "இப்போதான் உன் வீட்டுக்குப் பேசினேன். உன்பொண்ணு நல்லா தான் இருக்கா. ம் ம் ம்...சரி, எனக்கு ஒரு பார்சல் டெலிவர்பண்ணனும். யார் செய்யப்போறா...? அபி மேடம் நீங்களே போய் கைப்படடெலிவர் பண்ணீடுங்க" என்று ஒரு பார்சலைக் கொடுக்கிறான் Tom Ryan. பிராஸ்னனின் பெயர் இப்போது தான் நமக்கும், நீலிற்கும் தெரிய வருகிறது.
20 நிமிடத்தில் டெலிவெர் செய்ய வேண்டும் என்று டாம் சொல்லி அபிகொண்டுபோகும் கவரில் இருப்பது நீலின் தொழில் ஜாதகம். அது வெளியேதெரிந்தால் பெரிதாக ஒன்றும் இல்லை. வேலை போய் வீட்டில் உட்கார்ந்துவாழ்க்கயை எஞ்சாய் பண்ணலாம். அமெரிக்காவில் வேலையில்லாமல் ஒரேஒரு நாள் இருந்து பார்த்தால் தெரியும் அந்த எஞ்சாய்மெண்ட். விஷயம் அறிந்துபீதியில் பைத்தியம் பிடிக்கும் நிலைக்கு ஆளாகும் நீலை மேலும் வெறுப்பேற்றஅபி அந்த பார்ஸலை டெலிவர் செய்யும் காட்சியை எதிர் பில்டிங் மாடியிலிருந்துவேடிக்கை பார்க்க வைக்கிறான் டாம். இதுவரை சேர்த்து வைத்த பணத்தையும்இழந்து இருக்கும் நல்ல வேலையையும் இழந்து ரோட்டில் நிற்கும் நீலிடம்இன்னொரு சிறிய பார்சலைக் கொடுக்கும் டாம், அதை டெலிவர் செய்யச்சொல்கிறான்.
அதை வாங்கிக்கொண்டு செல்வது போல் நேராக போலீஸிற்குப் போக டாம்விரும்ப, அபியோ முதலில் குழந்தைக்கு எதுவும் ஆகிவிடக்கூடாது என்றுஅவனைத் தடுத்து டாம் போன் பேசும் நம்பரை எப்படியோ டிரேஸ் செய்து, அதன்படி ஒரு ஹோட்டல் அறைக்குள் சென்றால், அங்கு டாம் நிற்கிறான். "பார்சல் டெலிவர் பண்ணியாச்சா?" என்று டாம் கேட்க, நீல் டாமைத் தாக்க டாம்திருப்பித் தாக்கி, "உனக்கு என் மேல் பயம் போய்விட்டது" என்று கூறி அபியைஅந்த இடத்திலேயே உடைகளையச் சொல்கிறான். உடை களையும் அபி க்குவேறு ஒரு சிறிய டிரஸைக் கொடுத்து கணவன் கண்முன்னேயே கட்டிப்பிடித்துத்தழுவி, இன்னும் "6:30 மணிக்குள் அந்த இடத்திற்கு வந்துவிடு" என்று டாம்சொல்ல, எந்த இடம் என்று நீல் கேட்க "எல்லாம் உனக்குத் தெரிந்த இடம் தான்" என்று சொல்லிவிட்டுப் போய்விடுகிறான்.
போலீஸிற்குப் போகும் டாம், தன்னை ஒருவன் காலையிலிருந்து குழந்தையைகடத்தி வைத்திருப்பதாக மிரட்டுவதாகவும், இப்போது தன் மனைவியையும்கடத்திக்கொண்டு போய்விட்டதாகவும் கூற, "உன் மனைவி பெயர் அபியா?" என்று போலீஸ் கேட்க, "ஆமாம் உங்களுக்கு எப்படித் தெரியும்?" என்று கேட்கஉங்க மனைவி கொஞ்ச நேரத்திற்கு முன்னாடி இங்க வந்திருந்தாங்க. கூடஅவரோட காதலரும் இருந்தாங்க. உங்க கூட வாழ அவங்களுக்குவிருப்பமில்லைனு சொன்னதுக்குப் பிறகும் ஏன் இப்படி பொய்யா கம்ப்ளைண்ட்பண்ணிட்டு வர்றீங்க? உங்க மனைவி சொன்னது போல் உங்காளுக்கு பைத்தியம்தான் பிடிச்சிருக்கு" என்று சொல்கிறார். வாழ்க்கையே வெறுத்து, ரோட்டில் அழுதுகொண்டு நிற்கும் நீலிற்கு போன் செய்கிறாள் அபி. "என்ன மன்னிச்சிடுங்க. குழந்தையை கொன்னுடுவென்னு மிரட்டியே என்னை போலீஸிடம் அப்படிசொல்ல வைத்துவிட்டான் டாம். சீக்கிரம் அவன் சொன்ன இடத்திற்கு வந்துஎன்னை கூட்டிட்டுப்போங்க" என்கிறாள். அடித்து பிடித்து அவன் சொன்னவார்த்தைகளிலிருந்து அந்த இடம் 'கிளாக் டவர்' என்பதைக் கண்டுபிடித்து அங்குசென்றால், "இதுவரைக்கும் எல்லாத்தையும் செஞ்ச நீ, கடைசியாக ஒன்றைச்செய்ய வேண்டும்" என்கிறான்.
என்ன என்பது போல் கணவனும் மனைவியும் பார்க்க, காரை ஒரு தனிமையானவீட்டின் முன் நிறுத்தி " பெரிசா ஒன்னும் இல்ல. உள்ள தனியா ஒருத்தங்கஇருப்பாங்க. போய் அவங்கள கொன்னுட்டு வரணும். அவ்வளவுதான்...ம் சீக்கிரம்போங்க நீல்" என்று நீல் கையில் ஒரு துப்பாக்கியைக் கொடுக்கிறான் டாம்.1:30 மணிநேரம் ஓடும் இந்தப்படத்தின் 1:15 மணிநேரக் கதையைச்சொல்லிவிட்டேன். கடைசி 15 நிமிடம் தான் முக்கியம். அதை சொல்லவேமாட்டேன். படத்தைப் பார்த்து தெரிந்து கொள்ளவும். "Who breaks a Butterfly upon a Wheel" என்பது அலெக்சாண்டர் போப் சொன்ன வரிகள். அதற்கு "சின்ன அல்லதுஒன்றுமே இல்லாத விஷயத்தின்மேல் யார் அதிக கவனம்செலுத்தப்போகிறார்கள்" என்று அர்த்தம். அப்படி என்ன கோபம் டாமிற்கு? படத்தைப் பாருங்கள்.
24 மணிநேரத்திற்குள் ஒருவனது வாழ்க்கையையே கேள்விக்குறியாக்கும், யாரென்றே தெரியாத இன்னொருவனுக்கு அதிலிருந்து கிடைப்பது என்ன?

தன் குழந்தையைக் காப்பாற்ற யாரென்றே தெரியாத இன்னொருவரைக் கொல்லவேண்டும் என்கிற கட்டதில் நீல் எடுக்கும் முடிவு என்ன?

படம் முழுவதும் டாம், நீல், அபி மட்டும் தான். சரியாக 24 மணிநேரத்தில் நடக்கும்கதை. பிலாஷ்பேக், இன்ட்ரோடக்ஷன், முன்கதைச்சுருக்கம் எதுவும் கிடையாது. கண்டிப்பாக எவரும் யூகிக்க முடியாத அருமையான படமிது.

Butterfly on a Wheel - Dont Miss It !

இளைய திலகம் பிரபு ஒரு 'A-V-A-T-A-R' ?

"I am the KING of the World" - 1992 ஆம் ஆண்டு டைட்டானிக் படம் 11 ஆஸ்கர்களைக் குவித்தவுடன் ஜேம்ஸ் கேமரூன் சொன்ன வாக்கியங்கள் இவை. விமர்சகர்கள், பத்திரிக்கைககள், தொலைகாட்சிகள் என்று அனைத்து தரப்பிலிருந்தும் பாராட்டுகள், உலகம் முழுவதும் முதல் வாரத்திலேயே 230 மில்லியன் வசூல் என்று சந்தேகமில்லாமல் ஹாலிவுட் வரலாற்றின் அல்டிமேட் ஹிட் ---- >> A-V-A-T-A-R. சரியாக 12 வருடங்கள் கழித்து, தான் தான் மீண்டும் 'கிங்' என்று நிரூபித்து விட்டார் கேமரூன். தான் நினைத்ததைத் திரையில் கொண்டு வரும் அளவிற்கு டெக்னாலாஜி இன்னும் வளரவில்லையென்பதால் பொறுமையாகக் காத்திருந்து மாபெரும் வெற்றியடைந்த இந்த மனிதரின் உழைப்பு, ஈடுபாடு, சினிமா மீது கொண்ட காதலுக்கு இதெல்லாம் ரொம்பவும் சாதாரணம். சரி இதற்கும் நம் இளைய திலகம் பிரபுவிற்கும் என்ன சம்பந்தம்? இருக்கிறதே...

அவதாரின் கதை என்ன? - பண்டோரா என்னும் தனி கிரகத்தில் வாழும் ந'வி என்னும் ஆதிவாசி இனத்தை(?) அங்கிருந்து நைசாகப் பேசி வெளியேற்ற அவர்களைப் போலவே தோற்றம் மாற்றப்பட்ட ஒருவன் தலைமை ஏற்றுச் செல்கிறான். அங்கு சென்றதும் ந'வி இனத்தவரின் ஒற்றுமை, மனிதர்களின் வஞ்சக எண்ணம் ஆகிவை மனதைப் போட்டுக் குழப்ப, இடையில் காதலும் வர, தன்னை அனுப்பிய மனிதர்களுக்கு எதிராகத் திரும்புகிறான், ந'வி இன மக்களின் உதவியுடன்.

இந்தக் கதையை எங்கோ கேட்ட மாதிரி இல்லை? அடிக்கடி கே டி.வியில் பார்த்த மாதிரி இல்லை? சரி நியாபகத்திற்கு வரவில்லை என்றால் இப்படி கம்பேர் செய்து பாருங்கள்

1) பண்டோரா கிரகத்திற்கு பதில் ஒரு காலனி

2) வித்யாச ந'வி இனத்திற்கு பதிலாக பெரும்பாலும் அடித்தட்டு மக்களும், ரவுடிக்கும்பலுமாக இருக்கும் அந்தக் காலனி மக்கள்

3) மனிதர்களுக்கு பதில் அந்தக் காலனியை விலைக்கு வாங்கி அந்த மக்களை வெளியேற்றத் துடிக்கும் கம்பெனிக்காரர்கள்

4) நேத்ரிக்கு பதிலாக வினிதா

5) மக்களோடு மக்களாகக் கலந்து அவர்களை வெளியெற்றும் பொறுப்புடைய ஹீரோ ஜேக் பதிலாக 'ஐயர்' பிரபு

கரெக்ட், அந்தப் படம் வியட்னாம் காலனி. யோசித்துப் பார்த்தால், AVATAR படத்தில், பெயரில் ஆரம்பித்து, நம் ஊர் கிருஷ்ணன் போல் நீல நிற உடல், தலையில் நாமம் அனுமன் போல் நீண்ட வால் என்று ந'வி களின் தோற்றம் வரை நிறைய இடங்களில் இந்தியத்தனம் வெளிப்படையாகத் தெரிகிறது. ஆனால் கதையிலும் இந்தியத்தனம் இருப்பதைக் கண்டதும் தான் என்ன செய்வது என்று தெரியவில்லை? விழுந்து விழுந்து சிரிக்கத்தான் முடியும்...

AVATAR - வியட்னாம் காலனி - ஒரு கம்பேரிசன் (ஜாலி இல்ல சீரியஸ்)

காட்சி 1:ஆரம்பத்தில் பிரபுவின் 'திறமை' மேல் கம்பெனிகாரர்களுக்கு சந்தேகம் வரும், ஆனால் பின்னட்களில் பிரபு பெர்பாமன்ஸில் பட்டையைக் கிளப்புவார். அதே போல், அவதாரில் ஆரம்பத்தில் கால்களை இழந்த ஹீரோவைப் பார்த்து நக்கல் விடும் 'மனிதர்கள்', பின் நாட்களில் சேம் பெர்பாமன்ஸ் ஃபக்டரில் 'ம்ம்ம் நீ பெரிய ஆளுதான்' என்று பாராடுவார்கள்.

காட்சி 2:

பிரபு காலனிக்குள் என்ட்ரி கொடுக்கும் போது, ஆட்டோக்காரன் ஒருவன் மீட்டருக்கு மேல் பணம் கேட்டுத் தகராறு செய்ய பிரபு, நான் இதுக்கெல்லாம் பயப்படமாட்டேனாக்கும் என்று சவுண்ட் விட்டுக்கொண்டிருக்கும் போது, திடீரென்று சுவிட்ச் ஆப் செய்த மாதிரி ஆட்டோக்காரன் ஆட்டோவை எடுத்துக் கொண்டு எஸ்கேப் ஆக பிரபு தன்னைப் பார்த்து தான் அவன் பயந்து ஓடுகிறான் என்று நினைத்து வீரப் பார்வை பார்ப்பார். திரும்பிப் பார்த்தால், பின்னால் அந்த காலனியின் 'பெரிய' தாதா நின்று கொண்டிருப்பான். அவதாரிலும் இதே போல் ஒரு சீன் உண்டு. பண்டோராவில் என்ட்ரி கொடுக்கும் ஜேக், காண்டாமிருகம் போன்ற விலங்கிடம் 'ஏய் வந்து பாரு, நாங்கெல்லாம் யாரு' என்று ரவுசு செய்ய, அதுவும் பயந்து ஓடும், திரும்பிப் பார்த்தால், மிகப்பெரிய சிங்கம் போல ஒரு மிருகம் நின்று கொண்டிருக்கும்.

காட்சி 3:காலனிக்குள் வந்த பிறகு எவரோடும் பிரபுவிற்கு செட் ஆகாது. 'ஜுஜுலிப்பா' என்று வினிதா தான் ஆசையாய் ஆதரவு கொடுப்பார். அதே போல் தான் ஜேக் வந்தது யாருக்குமே பிடிக்காது, நேத்ரி மட்டும் ஆதரவு கொடுப்பார். பின்னாட்களில் இவன் டகால்ட்டி, உட்டாலக்கடி வேலை செய்யத்தான் நம் கூட்டத்தோடு கலந்திருக்கிறான் என்று தெரியும் போதும், அங்கு வினிதா பிரபுவிற்கு ஆதரவு, இங்கு நேத்ரி ஜேகிக்கிற்கு ஆதரவு.

காட்சி 4:

கிளைமாக்ஸில் உங்களுக்கு இனிமேல் வேலை செய்ய முடியாது என்று பிரபு கையை விரித்த பிறகு, கம்பெனிக்காரர்கள் காலனிக்குள்ளே வருவார்கள். அதேபோல் இவர்களுக்கு நான் ஒன்னும் உதவப்போவது இல்லை என்று ஜேக் தன் வீடியோவில் சொல்வதக் கண்டுபிடித்த பிறகு, 'மனிதர்கள்' பண்டோராவிற்குள் வருவார்கள்.

இப்படி ஏகப்பட்ட காட்சிகள் உண்டு. அதற்காக 'அவதார்' 'வியட்னாம் காலனி' படத்தின் தழுவல் என்று நான் சொல்லவில்லை. கேமரூனின் திறமைக்கு இதே அவதாரையோ, அல்லது இதற்கு முந்தய டைட்டானிகியோ மறுபடியும் ஒரு பத்து வருடங்களுக்குப் பிறகு இவரே 'ரீமேக்கினாலும்' அதன் பழைய சாயல்கள் இருக்காது என்பது தான் உண்மை. இது ஜஸ்ட் ஒரு கம்பெரிஸன் தான். மோகன்லால் நடித்து இதே பெயரில் மளையாலத்தில் சித்திக் இயக்கி 1993 ல் வெளிவந்த படத்தை தான் 1994 ல் சந்தான பாரதி பிரபுவை வைத்து இயக்கினார். அது தான் காப்பி, இது இல்லை.(டிஸ்க்: ஒருவேளை கேமரூன் வியட்னாம் காலனி பாத்திருப்பாரோ? இருக்கலாம்...)

அவதார் படம் வெளிவந்து பல நாட்கள் கழித்து ஏன் இந்த கம்பேரிசனை எழுத வேண்டும், படம் பார்த்தவுடனேயே எழுதியிருக்கக்கூடாதா என்று நீங்கள் கேட்க்கலாம். நான் படம் பார்த்து விட்டு படம் பார்க்காத சிலரிடம் இதைச் சொல்ல, அவர்களுக்கு படம் பார்க்கும் போது 'வியட்னாம் காலனி' நினைவிற்கு வந்ததாகவும், கதையை பெரிதாக ரசிக்க முடியவில்லை என்றும் கூறினர். அப்போது தான் நான் செய்த தவறு எனக்குப் புரிந்தது. அவர்களது எதிர்பார்ப்பைக் குறைத்து அவர்களை படத்தை ரசிக்க விடாமல் செய்துவிட்டேனோ என்று தோன்றுகிறது. படம் பார்த்து விட்டு அவர்களே 'வியட்னாம் காலனி' தெரிவதைக் கண்டுபிடித்திருந்தால் அது வேறு விஷயம்.இதே தவறு தான் இப்போது 'ஆயிரத்தில் ஒருவன்' படத்திற்கும் நடந்து கொண்டிருக்கிறது. படம் பார்த்தவர்கள் படம் பார்க்காதவர்களுக்கு கொடுக்கும் 'மிக்சட் ரெவியு' அவர்களை குழப்புகிறது என்பது என் கருத்து. அடுத்தவர்களது ரசனையில் மூக்கை நீட்டுவது, தலையை நுழைப்பது போன்றவை மட்டமான செயல்கள் என்பதும் எனது கருத்து. உங்களுக்குப் படம் பிடிக்கவில்லை, இதே காட்களை நீங்கள் ஏற்கனவே வேறு சில படங்களில் பார்த்திருக்கிறீர்கள், இதைவிட பிறமாதமான கிராபிக்ஸ் எல்லாம் பலப்பல பார்த்தாச்சு என்று படம் உங்களுக்குப் பிடிக்காமல் போவதற்கு ஆயிரம் ஆயிரம் காரணங்கள் இருக்கும். அதை விமர்சனம், கருத்து, கமெண்ட் என்று மற்றவர்களுக்குள் திணிக்கக் கூடாது. 'நீ பார்க்கப் போகும் படம் சரியில்லை. போகாதே, பணத்தை விரயம் செய்யாதே, திருட்டு வீசிடிக்குதான் இது லாயக்கு' என்று சொல்வதற்கும் உங்கள் 'விமர்சனங்களுக்கும்' பெரிய வித்யாசமில்லை. 'தாராளமாகப் பார், நல்லாத்தான் இருக்கு' என்று சொல்வதனால் உங்களிடம் படம் எப்படி என்று கேட்பவர்களுக்கு 32 கோடி விரயம் ஆகப்போவதில்லை. 100ரூ? 200ரூ அதிகபட்சம். ஆகிவிட்டுப் போகட்டுமே. நீங்கள் ஒரு 10 பேரிடம் சொல்ல, அவர்கள் ஆளுக்கு ஒரு 10 பேரிடம் சொல்ல இப்படி பத்து பத்து பத்து என்று யாரும் படம் பார்க்கப் போகாமல் தியேட்டரை விட்டே படம் ஓடிவிடும். ஏற்கனவே நாம் அன்பே சிவம், நான் கடவுள் இன்னும் பலப்படங்களை நாம் இழந்து விட்டோம். அதில் ஆயிரத்தில் ஒருவனும் ஒன்றாகிவிடும் ஆபத்து இருக்கிறது. படம் பார்க்காவதர்கள் தயவு செய்து படம் பார்த்தவர்களிடம் 'கமெண்ட்' கேட்க்காதீர்கள். படம் பார்ப்பதென்பது ஒவ்வொருவரது ரசனை சம்பந்தப்பட்டது. உங்கள் ரசனையை யாரோ ஒருவரிடம் 'அடகு' வைக்காதீர்கள்...ப்ளீஸ்.

ரொம்ப சீரியஸா பேசிட்டேனோ? ஆயிரத்தில் ஒருவன் படத்திற்கு வரும் விமர்சனங்கள் தான் காரணம். நல்ல படம் ஓடாமல் போய்விடுமோ என்கிற வருத்தம் தான். இந்தப் படம் ஓடவில்லை என்றால், கமல் 'மருதநாயகம்' படத்தை தொடர்வதற்கு கண்டிப்பாக யோசிப்பார். தலைவர் அந்த மாதிரி பயப்படுபவர் இல்லையென்றாலும், சான்ஸஸ் ஆர் தேர்... 'ஹே ராம்' போல ஒரு 'ஹெவியான' சப்ஜெக்ட் அடுத்து வரவில்லை. 'தசாவதாரம்?' என்று கேட்க்காதீர்கள். அது 'ஹெவி' சப்ஜெக்ட் இல்லை... சரி, அத விடுங்க. டென்ஷன் தான் எகிறுது. ஒரு நல்ல தமிழ் படம் வெளியாகி இனி ஒரு பத்து பதினைந்து நாட்களுக்குப் பிறகு தான் நான் விமர்சனம் எழுதப் போகிறேன். பிரதீப் சொல்லிடான்டா... படம் சரியில்லை. போக வேண்டாம் என்று இனி எவரும் சொல்ல மாட்டார்கள். அது மட்டும் சத்தியம். சரி, அவதாருக்கே திரும்பி வருவோம். கேமரூன் இளைய தளபதி டாக்டர் விஜயை வைத்து அவதாரையே ரீமேக்கினால் எப்படி இருக்கும்... இப்படி இருக்கும்....

OLD BOY | கொரியன் | 2009

உலக திரைப்படங்களில் கொரியன் திரைப்படங்கள் தான் என் முதல் சாய்ஸ். இயக்குனர் கிம் கி டுக் ஒருவர் போதும். Spring, Summer, Fall, Winter...and Spring, Isle, 3-Iron, Bow, Samaritan Girl என்று அவரது பல படங்கள் எனது ஆல்-டைம்-பேவரைட்கள். எந்த ஒரு ஜானரையும் நாம் யோசித்துப் பார்க்கக்கூட முடியாத அளவிற்கு 'முழு'மையாக எடுப்பார்கள், கொரியன் இயக்குனர்கள். இவர்களது படங்களில் எல்லாமே அளவிற்கதிகமாக இருக்கும். காதல், காமம், வன்முறை, ரத்தம், நட்பு, சென்டிமென்ட் என்று அந்தந்த வகைகளில் முழுமையாக இருப்பவை கொரியன் படங்கள். My Wife is a Gangster (சாகக் கிடக்கும் அக்காவின் கடைசி ஆசைக்காக திருமணம் லேடி தாதா), Beautiful (அழகி என்னும் ஒரே காரணத்தினால் ஒரு பெண் படும் அவஸ்தைகள்(செத்த பிறகும்!)), 300 Pounds Beauty (300 பவுண்டு எடையுள்ள குண்டுப் பெண், பிளாஸ்டிக் சர்ஜரி மூலம் 'நச்' பாடகியாவது), D-War (ருத்ர நாகம் என்னும் பெயரில் நம் ஊரில் வெளியாகி கலக்கிய படம்), Sex Drive (கொரியன் 'அமெரிக்கன் பை') என்று பல கொரியன் படங்கள் எனது பேவரைட் கள். இந்த லிஸ்டில் இப்போது ஒரு முக்கிய இடத்தைப் பிடித்திருக்கும் படம் OLD BOY !

வஞ்சம் வைத்துப் பழி தீர்த்தல் என்று கேள்விப்பட்டிருப்போம். சின்ன வயதில் என் பென்சிலை உடைத்தவனுடைய ரப்பரை நான் கடித்து வைத்து அவன் பழி வாங்குயுள்ளேன். என் அளவில் நான் அவனைப் பழி வாங்கி விட்டதாக நினைத்து திருப்தி பட்டுக்கொண்டு விடுவேன். இப்போது எவனாவது என்னிடம் ராங்கு காட்டினால் சரியான நேரத்தில் சரியான ஆளிடம் அவனைப் போட்டுக் கொடுத்துவிடுவேன்(ஏதோ நம்மால்